| Fecha: Domingo, 16 De Octubre De 2016
Club Deportivo Foz: Bruzos, Brais Prieto, Samuel, Javi Chinchón, Dani Chinchón, Canario, Gonzalo Fraga (Miguel Cayon 60'),Diego Hermida, Asier Burundarena (Daniel Chao 75'), David Alvarez y José (Xian Paz 50')
Taboada Club de Fútbol: Roi, Pablo, Marcos (Andrés 76'), Nicolás, Noé (Adrián Fernández 84'), Jacobo (David Potente 46'),Poyán (Emilio 63'), Ibán, Ivan Gayoso, Fabio y Mosky
Árbitro: Alvarez Ignacio, Adrián (LUGO)
Empezou o partido eléctrico,con achegamentos velocísimos ás duas áreas.Os primeiros quince minutos foron preciosos,quizais merecentes de superior categoría.Con ocasións de Gonzalo e Brais por parte local,e de Pablo,Fabio e Mos polos visitantes.A mellor unha volea do local Hermida no 17' que tras despexar Roi cun paradón petou no traveseiro.Era un gol cantado.No 21' outra clara un man a man entre Asier e Roi,entretívose o focense e non deu caneado a Roi que lla sacou co pé.No 30' a mellor visitante boa acción individual de Mos por banda dereita ,o seu disparo deteno Bruzos xunto a cepa do poste.No 32' doble ocasión local nunha xogada embarullada na nosa área,solventou Roi con dous paradóns.No 34' disparo dende cerca de Gonzalo que petou no poste esquerdo da meta de Roi.Nestes minutos dominaban os focenses,despregando un fútbol físico e incisivo.No 40' un penalti moi claro de Bruzos a Moski,neutralizado por un previo fora de xogo duvidoso .Sen màis que salientar rematou un fermoso primeiro tempo,disputadísimo e tenso,envolto tamén na polémica que tamén conlevou a expulsión do técnico local.
O segundo tempo comezou un pouco màis frouxo en canto o ritmo e ocasións.Os dous equipos adoptaron tamén màis precaucións defensivas e o partido desenrolouse máis no medio campo.Co paso dos minutos fúmonos apoderando da pelota,e cunha maior actitude fixémonos co dominio do centro do campo.Tivemos un par de achegamentos que culminaron con dous disparos de Noé e Ivi no 70' e 71' respectivamente.Nesta fase anularamos en ataque òs focenses.Un disparo de David Potente no 73' plasmaba un dominio acuciante;faltaba a guinda do gol.No 76' , a mellor ocasión local da segunda foi un libre directo lonxano que lanzou Canario frouxo.Nos últimos intres ámbolos dous equipos acusaron o esforzo ,só quedou pra salientar outra nova xogada polémica esta vez na área visitante,pois os locais reclamaron outro penal a seu prol.
Pra semana agárdanos un xa todo un clásico na Medela ,entre dous equipos que ascendemos a Primeira Galicia o mesmo ano, aló polo 2010,O domingo 23 as 16:30 TABOADA CF -PASTORICENSE UD.
Na Primeira Autonómica xuvenil outro derbi tradicional nos Chacotes ,sábado 22 CD PALAS-TABOADA CF | | |
|